Stulting verwelkom maatjies!

Die eerste dag van die “groot skool” was iets waarna baie maatjies oor die land uitgesien het en by Laerskool Stulting was daar beslis geen tekort aan opgewondenheid nie! 

Die naweek voor die tyd is daar behoorlik geskarrel om tassies, skoolklere, potlode ens. vir die eerste dag van skool gereed te kry.  Die maatjies kon omtrent nie wag om met skool te begin nie.  Met blink gepolitoerde skoolskoene kon hulle uiteindelik hul eerste tree van hul skoolloopbaan in die gange van Stulting gee.   Die juffrouens was net so opgewonde om die nuwe maatjies in Gr. 1, sowel as in Gr. R te verwelkom.  Groot opgewonde het ook geheers oor die splinternuwe Gr. RR-klassie wat behoorlike ingewy is met laggende kleingoed met hul handjies vol verf en klei. 

Stulting wens al hul nuwe maatjies ‘n geseënde skoolloopbaan toe.  Baie welkom by die Stulting-familie!

Comments are closed.